Ricerche - formazione - consulenza - promozione

  • insegnanti madrelingua
  • scuola di lingue

PRESIDENTE DE S'ISTITUTU

Maria Doloretta Lai

Maria Doloretta Lai: Nàschida in Tàtari su 28 de Ghennàrgiu 1981, at comintzadu a collaborare cun s'Istitutu “Camillo Bellieni” in su mese de Cabudanni de su 2000.

 

Esperta in gestione de impresa e protzessos de marketing, a poi de sa làurea in Iscièntzias Motòrias in Casteddu, s'est ispetzializada in didàtica, chirca e organizatzione de s'isport e de sos giogos in sa traditzione sarda.

 

CONSULENTES ISCIENTIFICOS

Michele Pinna

Michele Pinna: Nàschidu in Bono su 7 de Làmpadas 1952, at acumpridu sos istùdios universitàrios prima in Tàtari e posca in Firenze: in custa tzitade in su 1977 s'est laureadu cun sa ghia de Sergio Moravia cun sa tesi “Il problema della conoscenza e del sapere in Th. W. Adorno”. Intre su 1977 e su 1980 at sighidu in Parigi sos seminàrios de istiu de Linguìstica e Semiòtica diretos dae Roland Barthes. S'annu a poi in Gènova at sighidu in s’Istituto Müller unu cursu de perfetzionamentu biennale in “analisi e modificazione del comportamento”. In su 1985 at fundadu sa rivista cuadrimestrale de cultura Sesuja. In su 1989 at fundadu s’Istitutu de Istùdios e Chircas “Camillo Bellieni” de su cale est Diretore Iscientìficu. Comente animadore e organizadore culturale at promòvidu seminàrios e cunvegnos de istùdiu, mentovamus cussu internatzionale chi pertocat “L’Europa delle diversità: identità e culture alle soglie del Terzo Millennio” fatu in Tàtari in su 1991. Dae su 2003/2004 est istadu dotzente a cuntratu de Literadura sarda in sa Facultade de Lìteras e Filosofia de s'Universidade de Tàtari.

Marina Sechi Nuvole: Nàschida in S'alighera, s'est laureada in Tàtari in su 1979. Est Professore Ordinàriu de Geografia, Istòria de sa Geografia e de sas Esploratziones e Geografia de sa Sardigna in sa facultade de Lìteras e Filosofia de s'Universidade de Tàtari . Dae su 1997 a su 2000 est istada membru de su comitadu iscientìficu de s'ISRE. At insegnadu in calidade de professore assotziadu in s'Universidade de Lecce. Dae su 2005 a su 2008 est istada Presidente de su cursu de làurea in Lìteras (de Tàtari). Autora de paritzos volumes chi pertocant sas chistiones istòricas-geogràficas de sas biddas de Sardigna, in su 1990 at publicadu in sa Sotziedade Geogràfica Italiana "La costruzione della scienza geografica nei pensatori dell'età classica". At traballadu cun s'Istitutu Bellieni pro sos progetos de chirca de Montresta, Romana e Potuvigàri.

COLLABORATORES

collaboratori

Daniela Masia: Nàschida in Bosa su 24 de austu de su 1967. S'est laureada in s'Universidade de Casteddu in Filosofia. Dae su 2002, pro s'Istitutu Bellieni, contivigiat sa formatzione in limba sarda pro s'amministratzione pùblica. Traballat comente tutor de intermediatzione e tutor didàticu. In calidade de operadore de isportellu linguìsticu de sa comuna de Terraba at traballadu in sos annos dae su 2004 a su 2007. In su 2011 est istada operadora de s'isportellu linguìsticu de Terraba e de sa provìntzia de Terranoa -Tèmpiu.

Salvatorangelo Pisanu: Nàschidu in Tàtari su 14 de Freàrgiu 1969, s'est laureadu in su Dams de Bologna e posca at consighidu unu Dutoradu in Sciences Humaines et Esthetique in s'Universidade de Corte cun sa tesi: "Parallelismi e influenze nella musica tra Corsica e Sardegna". Espertu de mùsica e de ballos ètnicos, tzertificadu dae su 1ere Degrè de Cinetographie Laban de su Centre National d'Ecriture du Movement, at publicadu paritzos artìculos e sàgios subra su ballu sardu e àteros ballos mediterràneos.

Anna Maria Tavera: Nàschida in Ìtiri s'8 de Austu de su 1978, posca de sa làurea in Lìteras cun indiritzu antropològicu in s'Universidade de Tàtari, at traballadu comente operadora de s'Isportellu Linguìsticu de Ìtiri. In su 2009 at bìnchidu una bursa de istùdiu regionale pro una chirca subra de sos iscritos de sa literadura sarda dae su Medioevu a su Noighentos pro s'istèrrida de un'antologia de literadura sarda bilìngue. Esperta in sa curretzione de modulìstica in limba sarda, insegnat in sos cursos de formatzione in sas amministratziones pùblicas. Intre su 2009 e su 2010 at traballadu comente operadora de s'Isportellu Linguìsticu de sa Comuna de Tàtari. A su presente est dotzente in sos cursos in limba sarda fatos dae s'Istitutu Bellieni.

Antonello Nasone: Nàschidu in su 1976, est laureadu in Filosofia in s'Universidade de Tàtari. At sighidu s'editzione de "Vintannos", antologia de iscritos de sa rivista "Sesuja". A su presente sighit unu Dotoradu de Chirca in Filosofia in sa “Scuola di Scienze dei Sistemi Culturali” de s'Universidade de Tàtari.

Maria Antonietta Pinna: Nàschida su 6 de maju de su 1985 est laureada in Economia Aziendale in s’Universidade de Tàtari. Tenet una cumpetèntzia ativa e passiva de sa limba sarda e cumpetèntzias bonas in informàtica. Contivigiat s’agiornamentu de su situ internet de s’Istitutu ( www.istituto-bellieni.it) e collàbora a s’organitzazione de sas atividades sighende fintzas traballos de segreteria.

ISTITUTO DI STUDI E RICERCHE CAMILLO BELLIENI | 35, Via Maddalena - 07100 Sassari (SS) - Italia | P.I. 01439240902 | Tel. +39 079 230268 | Fax. +39 079 230268 | istitutobellieni@gmail.com | Informazioni legali | Privacy | Cookie Policy | Sitemap
Powered by  Pagine Gialle  -  SmartSite Easy